Սուրբ Զատիկը Իտալիայում համարվում է ամենասիրելի և հայտնի տոներից մեկը: Այն շարժական տոն է :Սուրբ Զատկի տոնը Իտալիայում նշվում է մեծ շուքով: Տոնական կիրակի Հռոմի գլխավոր հրապարակ են հավաքվում հազարավոր մարդիկ , որպեսզի ստանան Հռոմի Պապի օրհնությունը :
Զատկին իտալացիները ցուցադրում են թատերականցված ներկայացումներ Հիսուսի կյանքի, տանջանքների, մահվան և հարության մասին: Այդ տոնը համարվում է ընտանեկան տոն :Այն նշում են ընտանիքով ,իսկ հաջորդ օրը իրենց բարեկամներին կամ ընկերներին հրավիրում են փոքրիկ խնջույքի :
Իտալացիների մոտ Զատկի խորհրդանիշ է համարվում ձուն, ինչպես նաև շոկոլադե ձուն: Զատկին իտալացիները իրար են փոխանակում ,նվիրում տարբեր չափսերի շոկոլադե ձվիկներ, որի ներսում կան բազմաթիվ անակնկալներ , շնորհավորում են իր/ իտալերեն այն հնչում է այսպես Buona Pasqua!) :
Զատկին իտալացիները երեխաներին նվիրում են շոկոլադե ձվիկներ : Հայտնի է Իտալիան նաև իր զատկական կեկսերով ,որոնք զարդարված են նուշով և շաքարից պատրաստված գնդիկներով : Այդ կեկսերը թխում են աղավնու տեսքով և դրանք կոչվում են կոլոմբո Պասկուալե :Դրանք անվանում են նաև զատկական աղավնիներ :
Զատկից առաջ , բոլոր հավատացյալ մարդիկ եկեղեցի են տանում զամբյուղներ,որպեսզի օրհնեն զատկի ձվերը, գինին , աղը :Զամբյուղները տանում են կանայք : Այդ զամբյուղները պահում են մի ամբողջ տարի և օգտագործում են միայն Զատկի տոնին: Զատկի նախօրեին ընդունված է ,որ բոլոր իտալուհիները կատարեն իրենց բնակարանների մեծ մաքրություն ` բնակարանի յուրաքանչյուր անկյուն պետք է լիակատար մաքուր լինի : Նրանք մաքրում ,լվանում են իրենց բնակարանների հատակը , դռները, պատուհանները,փողոց են նետում հին ու անպետք իրեր : Մեծ մաքրության իմաստն այն է , որ <<կեղտից>> մաքրվի միտքը, հոգին, սիրտը ,ինչպես նաև հարազատ ,սեփական տունը :